Eldvakinn

Er á lífi

2009-06-14T08:44:00.002Z

Það er langt síðan ég hef skrifað eitthvað hér og margt gerst síðan síðast.
Við fórum til Íslands um seinustu jól og vorum hjá mömmu, það var yndislegt, gott að borða og gott að vera.
Síðan hefur það nú gerst að við erum að fjölga í fjölskyldunni og á það að gerast í september.
Ég er atvinnulaus því það er engin hér sem vill ráða ólétta konu í vinnu, og hitt fyrirtækið fór á hausinn.
Annars er allt við það sama hér, hann er á sjónum og ég sit heima, vinn reyndar aðrahvora helgi á kránni og það er ágætt.
Kemst þá allavegna aðeins út úr húsi og hitti annað fólk.
Nenni ekki að skrifa meira hérna núna
Seinna.

Einu sinni.

2008-12-11T15:06:00.002Z

Átti ég 3 kisur, núna á ég bara 2. Uppgötvaði að það var búið að keyra yfir læðuna mína og hún dáin. Er mikil sorg hjá mér núna.
Er líka búin að vera lasin síðan á þriðjudag með flensu og hafði það því ekki gott. Vonast nu til að vera orðin frísk áður en við förum á klakann. Annars er ekki mikið að frétta héðan, við vorum á jólahlaðborði á seinasta laugardag og var það mjög fínt. Nenni ekki að skrifa meira núna þarf að fara og grafa mis. Seinna

Bara að láta vita af mér

2008-11-15T21:48:00.003Z

Vildi nú bara svona aðeins láta vita af mér. Við erum búin að vera að byggja vegg þannig að það eru kominn 3 svefnherbergi í húsið, er sem sagt komin með herb. fyrir mömmu þegar hún kemur til að vinna í fiski í Hanstholm. hahahahaha bara djók. erum líka búin að kaupa bíl, fékk hann í afmælisgjöf haha, síðan vorum við að skipta um salerni, til að spara vatn því vatn er svo dýrt hérna. Bara æðislegt..... Annars er ég búin að vera sjúkraskrifuð síðan ég kom frá Íslandi og er að verða biluð í höfðinu á að hanga heima ( meira en vanalega). Annars vildi ég líka láta vita af því að við ( Sigurd og ég) komum til Íslands um jólin, þann 21 lendum við og við förum svo aftur heim þann 3 jan. Það verður gaman að hitta þá sem vilja hitta okkur. Nenni ekki að skrifa meira núna. Seinna

Heitt

2008-07-28T21:28:00.004Z

Það er svo heitt hérna að ég er við það að bráðna. Get varla sofið fyrir hita. Er annars bara að vinna og reyna að sofa. Hann kemur heim núna í vikunni og er þá búinn að vera út á sjó í tvær vikur, verð nú að viðurkenna að ég hef saknað hans soldið núna finnst hann hafa verið lengi í burtu. En það verður bara að vera svona hann er jú sjómaður. Talaði við Maju vinkonu í gær og mikið var það gott held samt að við höfum talað í tvo tíma, hún er að flytja heim með mann og barn. En hún ætlar nú samt að koma aðeins við hér áður en þau fara. Mikið hlakkar mig til að sjá þau, hef ekki séð þau síðan þau fluttu út, frekar slappt, jæja verð nú að druslast í rúmið þarf að fara að vinna í fyrramálið. Seinna

Er á lífi

2008-07-26T12:19:00.002Z

Vildi nú bara láta vita að ég er ekki dauð og grafinn, enn þá. Hafði það nú af að losna við snákana sem sonur minn skildi eftir hjá okkur mikið var ég fegin, annar var nefnilega búinn að finna út að hann komst út úr búrinu og ég var að verða frekar þreytt á að tína hann upp eða leita að honum um allt hús. Annars gengur allt fínt hér, er enn þá í sambúð og bý enn þá í þessu húsi eini munurinn er að ég er kominn með 2 kisur. Bara svo mér leiðist ekki hann er alltaf út á sjó þannig að ég er ein heima. Það er svo gott veður núna að ég sit hér í svitabaði og get enganveginn verið. Var nú samt að slá garðinn áðann og komst þá að því að slátturvélin er að hrynja. Fann bút af henni á grasinu. Verð nú að fara að setja myndir einhverstaðar svo þið getið séð hvernig ég bý núna. Jæja verð að halda áfram í garðinum má ekki vera að þessu . Seinna

Snákar

2008-04-19T19:13:00.002Z

Sonur minn er sem sagt fluttur heim aftur héðan úr danaveldi, nennti ekki meir. Ég aftur á móti saman með stjúpa hans sit uppi með 2 snáka, "Strømpebånds" snoge, útlegst á íslensku sokkabands snákar. Skemmtilegt. Annars er lítið héðan að frétta, yndislegt veður og engin snjór. Er búin að uppgötva nýja skemmtun hérna og það eru göngutúrar á ströndinni. Algerlega frábært. Þetta er svona eins og meðferð nema bara betra og ferskara loft. Kærastin er farin á sjóinn og verður þar þangað til allavegana næsta laugardag, þannig að ég sit hér ein heima með snákana hans Þrastar. Er að verða búin að koma öllu á sinn stað þannig að þetta lítur út eins og mannabústaður. Jæja nenni ekki að skrifa meira í kvöld, vildi bara láta vita að ég væri á lífi. Seinna.

Hús

2008-03-06T21:32:00.003Z

Við Þröstur erum búin að kaupa hús hér í Hanstholm. 126 fermetra einbýlishús með 23 fermetra bílskúr og 800 fermetra lóð. Fáum húsið afhent þann 14 mars. Mikið hlakkar okkur til að flytja, að geta haft alla okkar hluti á einum stað og þurfa ekki að velta því fyrir sér hvað eigandin segir ef við rekum nagla einhverstaðar í. Við flytjum þrjú inn í þetta nýja hús sem kostaði okkur 615 þús dkk. Þetta er reynslutími á sambúð milli okkar þriggja, athuga hvort að við getum búið saman. Jæja má ekki vera að því að skrifa meira núna. Seinna

You'll Never Walk Alone. Liverpool

2008-02-20T17:15:00.001Z

Þetta er bara fyrir stjúpa

Er í sambúð

2008-02-09T10:58:00.000Z

Ég er komin í sambúð með færeyingi, hahaha syni mínum finnst þetta mega fyndið að fara til Danmerkur og ná sér í færeying. Spurningin sem ég fékk var " eru þeir ekki færri en við" hahaha. Annars er hann kominn í 2 vinnur það er Þröstur hann landar á nóttinni og vinnur með mömmu sinni á daginn. Enda þarf hann að safna pening til að borga það sem hann skuldar. Annars er lítið að frétta héðan, það gerist ósköp lítið hér. Ég er loksins komin með netið þar sem ég bý og er að leita mér að öðru húsnæði. Þröstur býr hjá önnu í mínu gamla herbergi og ég er hjá mínum manni. Það er engin snjór hérna bara næstum sumarblíða, frekar skrýtið. Hef nú tekið eftir því að dagurinn er farinn að vara lengur þannig að maður legst ekki í vetrarþunglyndi hér hahaha. Nenni ekki að skrifa meira í bili, síðar fólk.

Bara vika

2007-12-11T18:52:00.000Z

Það er bara vika þangað til prinsinn minn kemur, ég get varla beðið ég hlakka svo til að fá hann hingað út. Annars er lítið sem gerist hér, maður vinnur en er hættur að drekka að mestu leiti. Það er nú samt lítið að gera í vinnunni maður er búinn rétt eftir hádegi og liggur svo bara í leti. Jú eitt sem ég get sagt, við erum búnar að fá hund svona blending af terrier og holu í hekkinu. Hann er bara krútt. fyrir utan að skíta út um allt, en hann er lítill og þarf að læra. Jæja nenni ekki að skrifa meira. Seinna

Rigning og rok

2007-12-01T08:45:00.000Z

Já það er rigning og rok hérna núna, alveg vitlaust veður. hehe. Annars er nú lítið sem gerist hérna. Það var skemmtun niðri í bæ í gær kallast Hanstholm by night og bærinn fullur af fólki. Við fórum aðeins en ég nennti ekki að vera lengi. Annars bíð ég bara núna eftir að sonur minn komi og þá verður fjör, mikið hlakkar mig til. Nenni ekki að skrifa meira núna. Seinna

Allt búið

2007-11-22T18:04:00.000Z

Ég er ein á ný, allt búið entist ekki lengi. En svona er lífið. Ég er annars bara búin að vera að vinna, gerist ekkert hérna merkilegt. Bíð bara eftir að sonur minn komi og þá verður allt gott á ný. Nenni ekki að skrifa meira núna. Seinna

Ástfangin upp fyrir haus

2007-10-29T20:52:00.000Z

Ég er búin að ná mér í mann hér í Hanstholm, það gerðist fyrir 1 og hálfri viku og blómstrar þrátt fyrir þann vankant að hann er sjómaður og er út á sjó núna. Kemur ekki heim fyrr en á föstudag, grát grát. En þetta er gæðamaður og er ég mjög hamingjusöm. Hlakkar mikið til að fá hann heim. Annars er lítið að frétta héðan, maður vinnur og vinnur og gerir lítið annað. Smá fréttir sonur minn ætlar að flytja hingað um jólin og hlakkar mig óskaplega mikið til að fá hann hingað. Hef ekki meir að segja í bili. Seinna

Alltaf svo heppin

2007-10-24T06:07:00.000Z

Ég á frí í vinnunni í dag og má liggja í leti. Bara ljúft. Annars er ekkert að gerast hérna bara allt rólegt. ég er núna að bíða eftir að Anna komi út vinnunni, hún var á næturvakt. Síðan er ég bara að bíða eftir að það komi helgi þá getur maður slappað svoldið meira af, hahaha. Leti líf. Maður nennir ekki að fara neitt eða gera neitt af viti og er því bara að djamma og hygge sig. hehehe Danskan mín er ekki upp á marga fiska. Nenni ekki að bulla hér meira í bili. Seinna

Ég er svo löt

2007-10-15T18:08:00.000Z

Ég veit að ég er rosalega löt að skrifa, það bara gerist voða lítið hérna. Maður fer í vinnu á virkum dögum og drekkur um helgar og djammar eins og það sé enginn morgundagur, hahahahahaha. Annars er ég búin að fá það staðfest að sonur minn kemur hingað um jólin og vinir hans svo á milli jóla og nýárs og ætla að vera hér yfir áramótinn. Þetta gladdi mitt litla hjarta því ég sakna hans svo mikið. Þannig að það verður rosastuð hér um jól og áramót, party on. Annars verður maður víst að fara hugsa fyrir jólagjöfum sem maður verður að senda heim, það eru bara 2 mánuðir til jóla, rétt rúml. Ég var að senda pakka heim til Þrastar og ég held að hann hafi verið næstum 2 vikur á leiðinni, er ekki alveg að fatta það. Annars er allt gott hér, hef það fínt og er eins og blóm í eggi. Verð nú samt að druslast í rúmið, vakna alltaf kl hálf 6 alla morgna til að fara í vinnu, bjukk fiskur. En þetta er vinna. Seinna

Celine Dion - I'm alive (Video)

2007-10-06T10:34:00.001Z

Er að reyna..................

2007-10-06T10:05:00.001Z

Að setja inn meiri músík en það vill bara ekki inn, veit ekki hvað vandamálið er. Er búin að vera að leita á youtube að lögum sem mér finnst góð og finn sum en önnur ekki. Ætla samt að halda áfram að reyna bara svona til að kynna fyrir ykkur danska músíkmenningu hehehehe

Drømmer jeg? - Johnny Deluxe

2007-10-04T18:53:00.003Z

Ég verð að viðurkenna að ég er forfallin aðdáandi

Johnny Deluxe - Elskovspony

2007-09-24T18:51:00.001Z

Þetta er uppáhaldslagið mitt núna, bara dónalegt

já já ég veit

2007-09-17T19:11:00.000Z

Er búin að vera viðbjóðslega löt að blogga. Það gerist nú ekki mikið hér, er að byrja 4ðu vikuna mína í vinnunni, þetta gæti verið verra. Er svo á laugardagskvöldum á diskótekinu að reyna að klára á mér fæturnar, enda er ég oft með harðsperrur á sunnudögum. Þetta er bara fjör, annars er maður bara að vinna og drekka bjór, sorry mamma en það er lítið af strákum hérna sem eru spennandi. Sakna allra þarna heima og vildi að þið væruð hér því ekki langar mig heim. Hef það fínt hérna. Nenni ekki að bulla meira í bili. Seinna

Búin að vinna í viku

2007-09-02T17:01:00.000Z

Mikið svakalega var ég þreytt á föstudaginn, hefði ekki trúað þessu ef einhver hefði sagt mér það. Byrjaði að vinna seinasta mánudag og lenti í því að vinna yfirvinnu 1 tíma, en ég var svo þreytt að ég komst varla upp á loft. Á föstudaginn var svo yfirvinna en hún byrjaði kl 5 um morguninn og við vorum að vinna til hálf 3. ég var svo þreytt að ég var kominn úr bænum kl 9 um kvöldið. Það var sem sagt kráarball bæði á föstudag og laugardag en mín gat bara farið á laugardaginn því hún var svo þreytt eftir vinnu vikuna að hún varð að fara snemma að sofa á föstudagskvöldið hehehehe. En ég fór á kráarballið í gærkveldi og mikið var rosalega gaman, ég dansaði svo mikið að ég vaknaði með hálfgerðar harðsperrur í fótunum í morgun. Það var alveg þess virði. Ég er búin að fara á diskótekið öll laugardagskvöld núna í mánuð og dansa næstum af mér fæturnar í hvert skipti og það er bara gott. Enda er ég búin að léttast um 4 kíló síðan ég kom út. Jæja ætla að reyna að gera eitthvað af viti áður en ég fer að sofa, er að vinna alla daga frá 7 til 3 nema föstudaga þá til hálf 3. Seinna

Ég er loksins komin með vinnu.

2007-08-18T09:39:00.000Z

Ég byrja að vinna eftir viku í einu af stærstu fiskvinnslufyrirtækjunum hérna. Fór og talaði við þá í gær og fékk vinnu eftir 5 mínútur. Ég er glöð núna. Mikið hlakkar mig til að fara að vinna. Annars er lítið að frétta hérna, gerist fátt. Þannig að. Seinna

Engin vinna

2007-08-10T19:16:00.000Z

Er ekki ennþá búin að fá vinnu hérna, er samt búin að leita á mörgum stöðum. Erum á fullu núna við að pakka. Gengur hægt því hún er að vinna svo mikið. Þannig að þetta er tekið í smá skömtum. En get ekki beðið eftir að flytja. Hlakka mikið til að fá sérherbergi og rúmið mitt. Þá verður þetta allt betra. Jæja nenni ekki að skrifa meira. Seinna

Ekki mikið gera

2007-07-31T18:17:00.000Z

Já já Lotta litla ég skal skrifa eitthvað bara fyrir þig. Ég fékk þetta blessaða kort í dag sem ég er búin að bíða eftir í viku og hvað ég þurfti að fara með það aftur niðureftir því það var vitlaus læknir á því, þannig að ég þarf að bíða í aðra viku eftir nýju. hahaha alveg týpist ég. Annars er nú ekki mikið að frétta héðan, þarf að fara að finna mér vinnu því ég get víst ekki lifað á loftinu. Er að kynnast fult af fólki hérna og það er bara skemmtilegt, sat bara með Dönum heima hjá einni í morgun og það var svoldið skrýtið. En mér fannst alveg merkilegt hvað ég skildi mikið. Held að ég verði ekki lengi að ná þessu. Verst samt að vita ekki hvað maður vill gera. Betina heldur að ég geti fengið vinnu niðri ferjugrilli, veit samt ekki hvort ég vill það. En maður getur víst ekki verið vandlátur, er það? Jæja nennni ekki að skifa meira. hahahaha Lotta vertu nú dugleg að blogga, knús og kram frá Hanstholm

Komin til Hanstholm

2007-07-23T16:44:00.000Z

Jæja þá er ég komin í tölvu með íslenskastafi, ég gafst sem sagt upp á Köben og flaug til Álaborgar í gær. Var komin heim til Önnu um 19 í gærkveldi. Hitti hana samt ekki fyrr en kl 22.30 hún var nefnilega á kv. Núna er hún að fara á næturvakt og er því að leggja sig. Ég sit hérna ein og skrifa bloggið mitt, aðalega til að láta vita að það sé allt í góðu. Fór í gær í eitthvert sædýrasafn í Köben, það var frekar lítið, en það var samt fínt, hefði verið skemmtilegra að hafa einhvern með sér en þetta var allt í lag. Síðan druslaðist ég upp á hostelið og pakkaði niður því sem ég var búin að versla og fór út á flugvöll. Ég þarf að setja saman smá ferðasögu því þetta var frekar spes allt saman. Nenni ekki að skrifa meira núna. Seinna

dagur 2 i kaupmannahofn

2007-07-21T15:48:00.000Z

Afsakid stafa vesen, engir islenskir. Eg er sem sagt lent og kominn a hostelid, For a strikid i gær og versladi eins og sannur turisti. Svo i morgun for eg i dyragardin og tad var ædi. Eg sa sæljon i kennslu og isbjorn ad leika ser. Mikid var tad skemmtilegt, vildi samt ekki hitta hann a turrulandi. A morgun ætla eg ad fara i sædyrasafn, svo er eg ekki buin ad skipuleggja meira. Komst i sma netsamband a hostelinu sem eg er a. Ta get eg allavega svona latid vita ad eg er ekki daud. Annars er tad eina ad mer leidist pinu, sakna vina minna og serstaklega sonar, sem mer skilst ad se ad breyta ibudinni fra a til ø, uff. Jæja ætla ad fa mer ad borda er ekkert buin ad borda sidan i dag er ekkert serstaklega svong en madur verur vist ad borda. Seinna

Stóra leyndarmálið afhjúpað

2007-07-18T23:04:00.000Z

Ég ætla loksins að gubba út úr mér því sem ég hef þagað yfir hingað til, ég er að fljúga til Danmerkur á morgun, verð ein í Köben þangað til á þriðjudag og flýg þá til Álaborgar. Ok ég er sem sagt búin að segja frá því. Mig bæði hlakkar til og kvíðir fyrir. Síðan verð ég að fara á miðvikudaginn og skrá mig inn í landið, því það er síðasti dagurinn sem ég hef til þess. vona bara að Anna geti farið með mér. Er komin með alla pappíra þannig að allt á að vera í lagi. Jæja má ekki vera að því að skrifa meira, er að pakka. Seinna

10 dagar

2007-07-14T20:23:00.000Z

Þetta er orðið svo stutt að ég er byrjuð að pakka, að hluta allavega. Ég nennti ekki að fara í þjóðskrá á föstudagin til að ná í pappírana, þannig að ég verð að fara á mánudagin. Þá á ég líka bara eftir að fara með pappírana niður í vinnumiðlun, ef ég finn þá, þ.e. pappírana. Man ekki hvar ég setti þá. hahahahaha alger illi. Jæja ætla að borða með bróður mínum og drekka svo eins og skepna. Seinna

14 dagar

2007-07-10T16:43:00.000Z

Í dag eru bara 2 vikur þangað til ég hitti stelpurnar í danaveldi. Mikið hlakkar mig til, er nú loksins byrjuð að gera eitthvað af því sem ég þarf að gera, en ekki mikið samt. Fór í kringluna í dag og keypti mér svona hulstur utan um geisladiska og 1 flakkara til að taka með mér út. Er núna að færa á milli það sem ég ætla að taka með mér. Ætla að fara á morgun í hagstofuna og ganga frá því sem ég þarf þaðan, er núna að taka til hérna og fara yfir dótið sem ég ætla með þ.e. velja og hafna. Hef ekkert heyrt frá þeim í heklu og vona að ég heyri ekkert í þeim þá gegnur þetta eins og smurt. Er að fara á næturvakt á morgun og hinn og síðan er ég búin að vinna. Þröstur er að fara að kaupa sér bíl þannig að ég er nú kannski bara kominn með far út á flugvöll. Vona það allavega. Er búin að hjóla í 3 daga núna og gengur fínt, betur en ég hélt, veit samt ekki hvort ég nenni að fara á hjólinu á morgun, það verður svo erfitt að hjóla heim eftir næturvakt. Sé til. Verð víst að halda áfram. Seinna

19 Dagar

2007-07-05T16:38:00.000Z

Ég fór með bílinn upp í Heklu í dag þannig að núna er ég á tveimur jafnfljótum. Ég er samt núna að bíða eftir að maðurinn hringi í mig svo ég geti farið og skrifað undir pappíra um að ég sé búin að skila bílnum, er búin að reyna að hringja í hann núna í klukkutíma og næ ekki í hann. Vil ekki hafa þetta hangandi yfir mér vil ljúka þessum kafla í lífi mínu sem fyrst. Ég á eftir að vinna 5 vaktir mér var nefnilega boðið að taka eina vakt sem sumarfrí og mín var fljót að segja "já, takk". Þanngi að eftir viku verð ég hætt, þá fer ég að einbeita mér að því sem ég á eftir að gera og klára það. Get nú gert helling á mánudag og þriðjudag, því þá er ég í fríi. Verð nú að tjá mig um svoldið, var að horfa á bíómynd í nótt, og vá hvað maður þarf að velta þessu fyrir sér. Hún heitir " The Secret" og samkvæmt henni þá fær maður allt sem maður vill í lífinu. Maður verður bara að senda jákvæða orku út í alheiminn og þá gerist það. Ég þarf nú aðeins að pæla í þessu áður en ég kaupi þetta svona 1,2 og 3. Auðvitað á maður að hugsa jákvætt ég samþykki það alveg, en að maður fái þá allt sem maður vill, ég á svoldið erfitt með að kyngja því. En þetta kemur allt í ljós. Ég er alveg að flytja þannig að ég fæ það allavega. Jæja nenni ekki að skrifa meira í bili, ætla að halda áfram að reyna að ná í þennann mann. Seinna

Það eru 23 dagar

2007-07-01T23:21:00.001Z

Ég fyllist spenningi núna því það er orðið svo stutt þangað til ég flyt. Ég hef orðið áhyggjur af því hvað ég ætla að gera. Ég veit allavega að ég þarf að læra tungumálið áður en ég get fengið almennilega vinnu. Ég þarf líka að finna út hvað mig langar að gera. Kannski fer ég bara í skóla, ég get farið í skóla í Álaborg. En þá þarf ég líka að vita hvað mig langar að verða þegar ég verð stór. Ég sá alla vega eitt sem mig langar að læra og ég get lært það í Tisthed. Ég þarf bara að athuga það þegar ég kem út hvort ég komist í það í vetur mig mundi langa til þess. Þarf að ræða þetta við Önnu þegar ég kem út. Síðan þarf ég að finna mér vinnu, er til í flest, veit samt ekki hvort ég nenni að vinna í fiski, sé til með það. Mér finnst ég eiga eftir að gera svo mikið en ég kem mér ekki til að gera neitt. Ég á að skila bílnum á fimmtudag og á eftir að þrífa hann og fara með hann í skoðun, nenni ekki neinu. Þarf líka að lufsast með pappírana niður í vinnumiðlun og sækja um að fá sakavottorð og skírnarvottorð. þegar það er komið þá er þetta nú að verða komið. Á líka eftir að búa til blað fyrir Þröst sem hann getur notað til að sjá um öll mín mál hérna heima þegar ég er farin. Það verður víst allt að vera skjalfest, annars fær hann ekki að gera neitt. Jæja þarf að fara að sofa er á morgunvakt á morgun, er ekki alveg að nenna því heldur en ég á bara eftir að vina 9 vaktir og þá er ég hætt. Mikið hlakka mig til að fara i frí, því enn sem komið lít ég á þetta sem frí. Þetta lekur inn þegar ég er kominn út. Þá allt í einu fatta ég að ég er ekki á leiðinni heim eftir hálfan mánuð hahahaha. Vá hvað ég get ekki beðið. Jæja góða nótt þeir sem lesa. Seinna

25 dagar

2007-06-29T11:25:00.000Z

Ég samþykkti að skipa og fara á kv í staðin fyrir mv. Það breytir engu fyrir mig á bara eftir að taka til og þrífa fyrir morgundaginn, verð ekkert lengi að því. Ég er að fá smá fiðring í magann núna því það er svo stutt þangað til ég fer. á bara eftir að vinna 10 vaktir og þá er ég hætt. Það er eins gott að ég verði dugleg þangað til því ég nenni ekki að þurfa að hlaupa á milli staða á síðustu stundu til að redda hlutum. Ég ætla að fara núna og kaupa grill fyrir partýið, ég ætla víst að grilla ég þarf líka að fara í mjólkurbúðina og kaupa eitthvað gott með grillinu. Það verða nú ekki margir í þessu partýi held að við náum ekki 10........... hehehehe en það er allt í lagi, það verður fámennt en góðmennt. Jæja þarf víst að drífa mig svo ég verði ekki að þessu í allan dag. Læt svo Þröst fá það verkefni að setja það saman, það er grillið. hahahaha, það gleður hann. Seinna

David Armand and Natalie Imbruglia performing together

2007-06-26T15:30:00.001Z

Þetta er snilld að hún skildi taka þátt í þessu

29 dagar

2007-06-25T11:47:00.000Z

Ég var að fatta að það er minna en mánuður þangað til ég fer, vá hvað tíminn líður hratt hérna. Ég er ekki búin að gera allt sem ég þarf að gera og ég þarf að skila bílnum í næstu viku, ég á eftir að þrífa hann og svoleyðis, er ekki að nenna því en verð að gera það.
Sonurinn er fluttur heim og það sést, allt í rúst. Híhíhí..........er að reyna að byggja mig upp í að fara að ganga frá því ég verð með gleðskap á laugardag og það verður að vera hægt að bjóða fólki í heimsókn hahaha...........Var a frétta að það er rigning í Vejen þar sem hún vinkona mín býr en það er ylur þar samt þótt að það sé rigning. Jæja verð víst að reyna að gera eitthvað áður en ég nenni því ekki. Seinna

Hvað er í gangi?

2007-06-22T01:42:00.000Z

Mér finnst vera ofurstutt síðan ég skrifaði hér að það væru 42 dagar en núna eru bara 32 dagar þangað til ég verð kominn til Hanstholm til Önnu og Ernu. Ég er ekki alvega að skilja hvað tíminn líður allt í einu hratt. Ég á eftir að vinna 16 vaktir og þá er ég hætt. Ég fyllist svona skringilegri tilfinningu að allt í einu verð ég kominn í allt aðrar aðstæður en ég er vön, eitthvað sem ég þekki ekki og ég verð hálf hrædd, fæ hnút í magann og langar til að kasta upp. Ég hef ekki fundið fyrir þessari tilfinningu síðan ég skildi og það er langt síðan. Mig vantar styrk, þannig að ég ákalla Heiðu, mig vantar góðar hugsanir og hjálp. Mér hefur aldrei fundist ég vera eins ein, samt veit ég að ég er ekki ein. Ég á vini og góðann son. Ó mig auma...................vá hvað ég varð allt í einu langt niðri, það þyrmdi yfir mig að ég er að fara og ekkert víst að ég komi til baka. Vá ég held að ég verði að fara að sofa því þetta er of mikið meira að segja fyrir mig, ég er ekki alveg að geta þetta. Seinna

Rowan Atkinson

2007-06-18T14:19:00.001Z

Besta uppistand sem ég hef séð lengi. Bara fyndið

42

2007-06-12T11:20:00.000Z

Þessir dagar fljúga áfram og allt í einu er bara ofur stutt þangað til ég fer. Ég á eftir að vinna 23 vaktir og þá er ég búinn. Er kominn með pínu hnút í magann því ég er ekki kominn með vinnu. Verð bara að krossleggja fingur og vona það besta. Þarf að taka upp úr kössunum með leirtauinu því ég er með matarboð á laugardag, en ég þjáist af leti, alveg ný greindur sjúkdómur hjá mér hehehe. jæja Seinna

Lost dance sequence

2007-06-02T00:19:00.003Z

Persónulega fnnst mér þessi flottust

Ásta Lovísa

2007-06-01T23:57:00.001Z

Minning um hetju sem fór of snemma.

55

2007-05-30T09:13:00.000Z

Þetta flýgur áfram, ég var samt búin að skemmta mér yfir því að ég væri að taka seinustu næturvaktirnar en komst þá að því að ég enda á næturvakt. Oj. Jæja það verður bara að hafa það. Mér reiknast það samt til að það vanti 2 vaktir hjá mér þangað til ég hætti og ætla ég að reyna að fá þær bara sem sumarfrí þannig að ég þurfi ekki að vinna þær, ég er alveg að verða kominn með upp í kok. Ég á samt eftir að sakna fólksins sem ég er að vinna með, þetta er gæða fólk upp til hópa. En núna þarf ég að reyna að gera eitthvað af viti, þannig að. Seinna

Jæja þetta styttist og styttist

2007-05-26T20:42:00.000Z

Núna eru bara 59 dagar þangað til ég fer til Danmerkur. Ég er á næturvöktum núna um helgina og á svo langt helgarfrí, mikið hlakkar mig til. Ég er orðin frekar þreytt og langar mest til að sofa allan sólahringin. Seinna

Styttist

2007-05-22T10:33:00.000Z

Þetta líður svo hratt, ég flyt eftir 63 daga. Ég er orðin svo spennt að ég veit ekki alveg hvað ég á af mér að gera. Ég fór alla vega með pappíra frá vinnumálastofnun í vinnuna í gær til að láta fylla út fyrir mig. Á þá bara eftir að fara með upp á Hrafnistu með pappíra til að láta fylla út fyrir mig þar. Komst líka að því ég þarf ekki samnorrænt flutningsvottorð það breyttist víst um áramót þannig að ég fer bara og skrái mig inn og þeir hringja á milli til að komast að því hvort ég er að ljúga hahahaha. Mér finnst þetta snilld. Kúturinn er kominn heim brúnn og sætur. Var nú svo sætur við mömmu sína og keypti handa henni bjöllu svona leir frá Sevilla, æðisleg ég er svo hrifinn af svona bjöllum. ég þarf bara að finna allar hinar svo ég geti fylgst betur með hvað ég á margar. Held að ég eigi 10 stykki. Síðan þegar ég er flutt verð ég að komst til Þýskalands, Svíþjóðar og Noregs og þá get ég bætt í safnið. Seinna

Á morgun

2007-05-18T09:03:00.000Z

Kúturinn kemur heim á morgun og mig hlakkar mikið til að sjá hann. Finnst vera langt síðan. Frétti að hann væri búin að kaupa helling og alltaf að sjá eitthvað nýtt. Vona að hann sé ekki með yfirvigt, veit ekki hvort littli bíllinn minn þoli það. Ég var svo heppinn að ég fékk 3 daga helgi núna þannig að ég ætla að kanna allt sem ég þarf að gera áður en ég fer út þannig að það sé ekkert sem komi mér á óvart. Þetta styttist óðfluga mér finnst ég eiga eftir að gera svo mikið og hafi ekki nógan tíma til að gera það sem ég þarf að gera hehehehe. Seinna

Mikið hlakkar mig til

2007-05-11T20:49:00.000Z

Þröstur kemur heim eftir viku og ég fer út eftir 74 daga, hvað er ekki að hlakka til. Annars er ég búin að vera að vinna og passa köttinn þeirra meðan þau eru úti. Þannig að það er alltaf nóg að gera. ég var að skipta um síma fyrirtæki um daginn og það gekk ekki þrautarlaust fyrir sig. Ég hafði engan síma í nokkra daga. Síðan kom það nú lag. Ég er að skipuleggja hvað ég tek með mér út, vildi geta tekið allt en það gengur ekki upp. Þannig að núna er ég með höfuðið í bleyti og bæti bara við heitu vatni hahahaha. Jæja er að fara á næturvakt þannnig að. Seinna

Búin að kaupa flugmiða

2007-05-06T10:05:00.000Z

Núna er þetta allt að smella saman, ég er búin að kaupa flugmiða til Danmerkur, flýg 24 til Önnu. Jey mig hlakkar svo til að ég er að farast úr spenningi. Núna sit ég og skrifa lista yfir það sem ég ætla að taka með mér. Það er frekar erfitt því ég þarf að velja og hafna. En þetta kemur allt ég er að fara að vinna frekar mikið núna þannig að ég hef lítin tíma til að hugsa um þetta. Keyrði krakkana út á flugvöll í gær og var alveg til í að fara með þeim. Vona bara að það verði gaman hjá þeim. Sæki þau svo aftur ef þau koma heim. Seinna

Endanlega flutt

2007-04-27T00:54:00.000Z

Ég fékk son minn til að hjálpa mér að ná í restina af dótinu mínu í skúrinn, Þannig að ég er kominn með sófa og sjónvarpsborð. Mikið er gott að geta verið í stofunni minni að horfa á mitt sjónvarp. Er líka kominn með netið aftur, heima. Það tók bara stuttan tíma núna, hringdi bara um 15 í dag og það er strax komið. Ég er að fara að læra fyrir prófin sem ég fer í í næstu viku, ætla að reyna að standa mig vel. Verð að geta þetta. Seinna

Mikið að gera

2007-04-25T21:49:00.000Z

Ég er að fara í próf í dönsku í næstu viku. Í báðum áföngum. Ég er að fara á næturvakt þannig að ég ætla að nýta þann tíma til að reyna að læra fyrir prófin, ég á líka eftir að skila inn verkefnum. Ætla að klára það í nótt. Ætla líka að færa nettenginguna mína fljótlega og fara heim með tölvuna þannig að ég þurfi ekki að fara annað til að komast á netið. Jæja það er frakar mikið af fólki hérna núna þannig að ég er hætt í bili. Seinna

Ég er flutt

2007-04-23T22:03:00.000Z

Er búin að vera að mála og gera fínt heima hjá mér. Ég er sem sagt flutt, er búin að sofa heima síðan á laugardag. Mikið líður mér vel, er að fara að undirbúa að ná í það sem mig vantar útí skúr. Síðan þarf ég að fara í leiðangur til að kaupa þvottavél. Þá er þetta fullkomið. Þarf að kaupa líka gardínur og lakk til að lakka gluggana. Ég er bara að venjast því að vera ein, Jæja er að vinna verð víst að halda áfram. Seinna

Ég er að flytja

2007-04-21T00:37:00.000Z

Drengurinn er fluttur úr íbúðinni minni, þannig að nú getur mín farið að flytja. JIBBÝ. Fór og skoðaði skemmdir og þetta var ekki eins slæmt og ég hélt, en þetta var samt ógeð. Jæja þá þarf ég bara að dusta rykið af hreingerningargræjunum og bretta upp ermarnar. Mikið hlakkar mig til að flytja heim aftur. Held að þau séu líka fegin að losna við mig. Jæja ætla að fara að drusla mér í háttinn. Seinna

Það er komin sól

2007-04-18T14:37:00.001Z

Undrin gerast enn, haldið þið ekki að það hafi komið sól, sem kíkti fram og hellti geislum sínum yfir okkur, slík og þvílík rífandi blíða. Verð að viðurkenna að ég nenni ekki að hanga inni í þessu góða veðri. Er að sjálfsögðu að vinna en ekki hvað. Verð víst að gera eitthvað. Seinna

Fór til ömmu í gær

2007-04-11T07:54:00.000Z

Verð nú að segja með smá skömm, að ég hef ekki farið til hennar í 2 vikur. Þannig að í gær fór ég til ömmu með 2 skammta af blöðum og blaðið sem vantaði fyrir löngu síðan og bækurnar. Hún byrjaði nú á að sejga mér að hún hélt að hún sæi mig bara ekkert aftur. Síðan fór ég með hana út að reykja og fékk að heyra að litla Guðrún Emilía hefði komið í heimsókn með mömmu sinni og afa og ömmu. Hún snýr víst afa sínum um fingur sér. Síðan fór ég í bónus að versla og tala við Jenný, fór svo heim og kláraði að þrífa gangin, Jenný byrjaði á því fyrir 3 dögum. Enda stórlega lagaðist loftið, það varð svona frískt. Síðan eldaði ég og við Jenný sátum og borðuðum og horfðum á House. Var farin upp í rúm fyrir 23. Enda vaknaði ég frekar fersk í morgun. Það er svo sem ekki mikið meira að gerast í augnablikinu. Ætla að hitta krúttið mitt í hádeginu, það verður notalegt að hitta vingjarnlegt andlit, á þessum síðustu og verstu. Seinna

Samskipti

2007-04-09T00:13:00.000Z

Ég er frekar leið núna, veit ekki alveg hvað ég hef gert þessu fólki, ég sagði upp leigu og það er allt vitlaust. Það sem eftir fer er tekið úr sms sem var samskiptaformið.

AGA "Mig langar að vekja athygli á því að þig skuldið 50þús í húsaleigu og eruð kominn 8 daga framyfir mánaðarmót"

RÓ "Fyrst það er svona tá vil ég benda á að það er 3 mán uppsagnafrestur byrjum á því áður en ég borga kr"

AGA" Þú ert ekki með 3 mán uppsagnarfrest. Þú ert ekki með samning. Þú sagðist ætla að borga helming en kannt greinilega ekki að reikna því 20 er ekki helmingurinn af 70. Þú ert ekki með leifi fyrir að vera með hund í þessari íbúð og ef þú skildir ekki vita það þarf leifi hjá leigusala áður en maður kemur með gæludýr í leiguhúsnæði"

RÓ"Ok fyrst þú vilt gera þetta svona aumingjalega eins og þú ert koddu hentu mér út ég mana þig ég bíð spentur"

AGA"Er ekki í lagi hjá þér ertu 6 ára það er búið að segja þér upp leigunni. Þú þarft fyrst að borga áður en þú hefur efni á að rífa kjaft"

RÓ Fékk símtal sem er ekki hafandi eftir, bara hótanir. Skellti á.

AGA" Ég ætla að benda þér á og verð að gera það svona því þú vilt ekki hlusta að þú sagðir sjálfur að þú ætlaðir að borga rest fyrir 8 dögum"

RÓ"Ég borga þét ekki krónu og eg mun gera þér lífið svo leitt eg þú skalt vona að ég rekist aldrei á þig aftur"

AGA" Þakka þér fyrir hvað þú ert þroskaður"

Hef ekki fengið svar við því ennþá. Hann á heldur ekkert svar.
Er alveg búin að fá nóg af þessu fólki. því svo var mamma hans að hóta syni mínum. get ekki meir í kvöld.

Lasin

2007-04-05T10:34:00.000Z

Ég var lasin í gær og fór því ekki til vinnu. Það er fátt sem mér leiðist meir en að vera veik. Er samt öll að koma til. Held að þetta sé stress, því ég er að flytja um mánaðarmótin og mig hlakka til, en hef samt áhyggur afþví að þetta verði einhvert mál og vesen. Er ekki að nenna svona veseni. Ég er búin að vera að velta fyrir mér hvaða liti ég eigi að velja á íbúðina mína, því ég ætla að mála þegar ég flyt heim aftur. Það er alveg á hreinu. Nenni ekki að skrifa meira núna. Seinna

Það eru að koma páskar.

2007-04-02T23:05:00.000Z

Ég var að lesa snilldar blogg hjá henni vinkonu minni, kollegi.blogspot.com. Ég hló svo mikið að ég hélt að ég myndi detta af stólnum. En það er líka því ég sé allt myndrænt. Er að vinna littla skiptivakt. . þannig að ég verð búin að vinna kl 20 á morgun, mikið hlakkar mig til. Ég er ekki en búin að finna skáldagyðjuna þannig að þetta verður frekar snubbótt í kveld. Seinna

Ný byrjun

2007-03-31T18:38:00.000Z

Þar sem það virðist ekki vera nóg að vera með 5 blogg, varð ég bara að bæta einu við. hahahahaha. Er samt að drepast úr leti. Verð samt að reyna að hugsa upp eitthvað skemmtilegt að skrifa um svo þetta sé ekki bara blaður út í loftið. Seinna